#ligamakerdrone

Liga Maker Drone

Unha actividade de formación diferente
PREPARÁDEVOS PARA VOAR! Presentación

Benvidos á LIGA MAKER DRONE, a primeira competición escolar en España que propón o reto de deseñar e programar un sistema dron para solucionar un problema social actual.

A LIGA MAKER DRONE celébrase anualmente, desde principios de outubro ata principios de maio do ano seguinte. Os 18 equipos de 2º da E.S.O. participantes enfrontaranse a un reto tecnolóxico que poñerá a proba a súa creatividade, enxeño e capacidade para traballar en equipo.

A participación na LMD é de balde e supón unha dedicación mínima de 30 horas, distribuídas entre formación tutelada e traballo autónomo do equipo. A Organización proporcionará a cada equipo dous kits dron, ademais da formación, o apoio e os recursos necesarios para deseñar e pilotar o dron. É unha competición de drons única en Galicia.

PARTICIPAR NA LIGA MAKER DRONE TEN MOITAS VANTAXES

Esperta a túa curiosidade tecnolóxica dun xeito lúdico e divertido.

ACTIVIDADE GRATUÍTA

Actividade gratuíta, con prazas limitadas a 18 centros educativos de Galicia. Preinscrición previa obrigatoria.

FORMACIÓN TECNOLÓXICA

Formación sobre electrónica, programación, manipulación de ferramentas e funcionamento de mecanismos (6 horas, en 3 sesións).

ADESTRAMENTO EN PILOTAXE

Formación práctica de voo (8 horas, en 4 sesións), incluíndo operacións de seguridade e manexo do dron.

KITS DRON GRATUÍTOS

Entrega gratuíta dun dron SYMA X5-C para realizar prácticas de voo e un dron F-450 para empregar na Xornada de Exhibición

AXUDA COMPRA DE MATERIALES

Asignación monetaria para mercar os materiais necesarios para a construción da solución ao reto da edición.

AXUDA AO DESPRAZAMENTO

Concesión de axudas ao desprazamento a aqueles centros localizados fóra da cidade de A Coruña que así o soliciten.

SOPORTE TÉCNICO

Seguimento continuo, presencial e telemático da evolución dos traballos, así como atención a consultas e resolución de incidencias.

DIPLOMAS DE PARTICIPACIÓN

Entrega de diplomas aos participantes e un trofeo conmemorativo da LIGA MAKER DRONE ao equipo gañador da edición.

AGASALLOS PARA GAÑADORES

Entrega de medallas e kits dron aos gañadores da edición. Os gañadores do resto de categorías recibirán unha medalla e un kit de programación.

Calendario

2023-2024
01 Benvida a docentes 18 de outubro de 2023

Sesión en liña de presentación da LIGA MAKER DRONE aos docentes coordinadores dos equipos (1 hora)

02 Xornada de presentación 27 de outubro de 2023

Benvida oficial aos equipos e presentación do reto da edición, con demostracións e obradoiros de voo de drons aéreos e terrestres, creación dixital e impresión 3D, realidade virtual e programación de robots (3 horas)

03 Sesión de introdución á pilotaxe de drons Do 30 de outubro ao 24 de novembro de 2023

Formación sobre o uso, montaxe e mantemento dun dron, así como a normativa en materia de seguridade, con exercicios prácticos de deseño de solucións e de adestramento en voo (2 horas)

04 Entrega do deseño 27 de novembro de 2023

Data límite para entregar o deseño preliminar da solución ao reto da edición

05 Formación tecnolóxica Do 27 de novembro ao 1 de marzo de 2024

Tres sesións formativas sobre materiais e a súa fabricación, mecatrónica e sistemas avanzados (8 horas, distribuídas en 4 sesións)

06 Adestramento en voo Do 4 de marzo ao 10 de maio de 2024

Tres sesións de prácticas de voo dun dron F-450 (6 horas, distribuídas en 3 sesións)

07 Entrega da solución 1 de abril de 2024

Data límite para entregar o sistema deseñado para resolver o reto da edición

08 Reunión previa á competición 9 de maio de 2024

Sesión en liña informativa cos docentes para repasar o regulamento, aclarar dúbidas sobre a competición e asignar os grupos de cada rolda eliminatoria mediante sorteo.

Xornada de Exhibición 16 de maio de 2024

Celebración da final da LIGA MAKER DRONE coa demostración das solucións tecnolóxicas propostas polos equipos.

Detalles da competición Xornada de exhibición

A LIGA MAKER DRONE remata coa celebración da Xornada de Exhibición, un evento de balde e aberto a toda a comunidade educativa onde os equipos realizarán as demostracións dos sistemas dron deseñados para resolver un reto tecnolóxico que poñerá a proba a súa creatividade, enxeño e capacidade para traballar en equipo.

Durante a Xornada de Exhibición, os equipos dividiranse en grupos para disputar de xeito simultáneo unha fase previa eliminatoria. O equipo que consiga completar a misión definida no reto no menor tempo posible proclamarase campión da LIGA MAKER DRONE. Ademais, un xurado especializado de expertos en tecnoloxía e innovación premiará aos equipos que realicen o mellor deseño, a solución máis disrutiva, a mellor pilotaxe e a mellor presentación. A Xornada de Exhibición é o broche de ouro da LIGA MAKER DRONE.

Descarga as bases da edición 23/24 LIGA MAKER DRONE
O IES Carlos Casares, de Vigo, gaña a 3ª Liga Maker Drone da Fundación Barrié e o Centro Tecnolóxico ITG 16/05/2024

A Coruña, 16 maio de 2024. Deseñar, programar e voar un sistema sobre un dron para neutralizar niños de velutina. Ese foi o reto que tiveron que superar os máis de 170 estudantes participantes (un 50% deles, rapazas) da 3ª LIGA MAKER DRONE, impulsada pola Fundación Barrié e o Centro Tecnolóxico de Galicia (ITG), cuxa xornada […]

Seguir lendo
170 escolares de toda Galicia competirán na Gran Final da 3ª Liga Maker Drone da Fundación Barrié e o centro tecnolóxico ITG 09/05/2024

A Coruña, 30 abril de 2024. O vindeiro xoves, 16 de maio, terá lugar no Coliseum da Coruña a gran final da 3ª LIGA MAKER DRONE, impulsada pola Fundación Barrié e o centro tecnolóxico ITG a fin de fomentar as vocacións científico-tecnolóxicas entre as novas xeracións. 170 estudantes de segundo de Educación Secundaria Obrigatoria (ESO) […]

Seguir lendo
A 3ª LIGA MAKER DRONE propón a estudantes de toda Galicia o reto de neutralizar niños de velutina mediante o desenvolvemento dun sistema dron 27/10/2023

A Coruña, 27 de outubro de 2023.- Os 180 alumnos de segundo curso de Educación Secundaria Obrigatoria (ESO) seleccionados en toda Galicia para participar na 3ª LIGA MAKER DRONE coñeceron esta mañá o reto proposto polos promotores desta iniciativa, a Fundación Barrié e o ITG Centro Tecnolóxico(ITG): neutralizar niños de velutina (ficticios) mediante o lanzamento […]

Seguir lendo
SUBSCRÍBETE AO BOLETÍN DE NOVAS! RECIBE ALERTAS DA LIGA MAKER DRONE

A LIGA MAKER DRONE É UN PROXECTO DA FUNDACIÓN BARRIÉ E O ITG CENTRO TECNOLÓXICO

Organizadores

Fundación Barrié

A Fundación Barrié é unha fundación patrimonial constituída polo empresario e mecenas Pedro Barrié de la Maza coa misión de contribuír ao desenvolvemento económico e social de Galicia desde unha perspectiva global, labor que leva a cabo con raíces galegas e alcance nacional e internacional nos eidos da educación, a investigación, a cultura e o patrimonio e a acción social.

Instituto Tecnológico de Galicia

O Instituto Tecnolóxico de Galicia (ITG) é un Centro Tecnolóxico Nacional de referencia en I+D e tecnoloxía diferenciais para a Industria 4.0, sistemas aéreos non tripulados, enerxía intelixente e cidades sostibles. Constituído en 1991 como fundación privada sen ánimo de lucro, o seu director xeral preside a Federación Española de Centros Tecnolóxicos (FEDIT), que representa a 35 centros, 3.950 empregados e 21.000 empresas cliente.

LIGA MAKER DRONE (C) 2022. | AVISO LEGAL | POLÍTICA DE COOKIES | POLÍTICA DE PRIVACIDADE