Equipos participantes 21/22

Dos 18 centros escolares das catro provincias galegas que competiron para amosar as solucións desenvolvidas para responder ao reto da Liga, o que se alzou como equipo gañador do torneo foi o CPR Santa María del Mar, de A Coruña, que conseguiu levar a cabo a misión no menor tempo.

Ademais, houbo outros catro equipos cuxa labor foi recoñecida: CPR Plurilingüe Salesiano San Juan Bosco, de A Coruña, recibiu o premio ao mellor deseño; CPR Plurilingüe Montecastelo, de Vigo, obtivo un recoñecemento por presentar a solución máis disrutiva; CPR Nuestra Señora del Carmen, de Betanzos; e IES da Illa de Arousa, o premio especial do público á mellor presentación.

A LIGA MAKER DRONE É UN PROXECTO DA FUNDACIÓN BARRIÉ E O ITG CENTRO TECNOLÓXICO

A Fundación Barrié é unha fundación patrimonial constituída polo empresario e mecenas Pedro Barrié de la Maza coa misión de contribuír ao desenvolvemento económico e social de Galicia desde unha perspectiva global, labor que leva a cabo con raíces galegas e alcance nacional e internacional nos eidos da educación, a investigación, a cultura e o patrimonio e a acción social.

ITG é un Centro Tecnolóxico Nacional de referencia en I+D e tecnoloxía diferenciais para a Industria 4.0, sistemas aéreos non tripulados, enerxía intelixente e cidades sostibles. Constituído en 1991 como fundación privada sen ánimo de lucro, o seu director xeral preside a Federación Española de Centros Tecnolóxicos (FEDIT), que representa a 35 centros, 3.950 empregados e 21.000 empresas cliente.