A Fundación Barrié e a Fundación Instituto Tecnológico de Galicia presentan a 1ª edición da LIGA MAKER DRONE, co fin de estimular o interese pola tecnoloxía entre o alumnado de terceiro curso da Educación Secundaria Obrigatoria (3º de ESO) de Galicia.

Os centros interesados en participar deben presentar a súa solicitude de preinscrición a través dun dos seus docentes, o cal actuará de coordinador do equipo e interlocutor coa Organización. A preinscrición faise enchendo o formulario de solicitude, dispoñible na páxina web da LIGA MAKER DRONE.

O prazo de preinscrición será desde as 12:00 h do 10 de xuño até as 12:00h do 1 de outubro de 2021.